سالمین خپلواک په کال ۲۰۱۴ کې د قاید اعظم پوهنتون اسلام آباد څخه په تاریخ کې ماستري کړې ده. په بلوچستان پوهنتون کې یې پښتو ژبه او ادبیات لوستي دي. د ۲۰۲۲ کال راهیسې له امریکا غږ ډیجیټل برخې سره همکاري کوي.
کویټه کې ښځینه فوټبال لوبغاړې له حکومت څخه ګیله کوي چې هغوی ته یې اسانتياوې نه دي برابرې کړي، افغان کډوالې نجونې بیا په افغانستان کې د نويو واکمنانو لخوا د شپږم ټولګي پورته نجونو په درس بنديز او ښځو ته د لوبو په ډګر کې د ورپېښو مشکلاتو باندې خفګان څرګندوي. سالمين خپلواک - امریکاغږ
په کوټه کې ګڼ شمیر افغان ماشومان د خښتو په بټيو کې کار کوي. که څه هم د ماشومانو په مزدوري په نړيواله کچه بنديز دی خو يو پلو ته بې وزله ورځ او بل پلو ته د کډوالو دپاره د وړیا زده کړې نشتوالي له کبله دغه ماشومان مجبور دي چې تر خپل توان دروند کار ته لاس واچوي. سالمين خپلواک پرې راپور جوړ کړی
د اقليم د بدلون له بد اغیز څخه د خپلې سیمې د ژغورلو په موخه په کوټه کې دوو وروڼو د کباړ ټایرونو سوځولو په ځای، له دغو ټایرونو هنري توکي جوړول پیل کړي. دوي وایي چې دغه هنر يې د چاپېريال خوندي ساتلو په خاطر پیل کړی او په خپل نوي تخليق سره غواړي نړۍ ته یو نوی پیغام ورکړي.
کوټه کې د ۲۴ ساعته پرلپسې باران ډېری نور وګړي نن د اګست پر ۲۶مه بې کوره کړي. د ځمکنۍ لارو د بنديدو له کبله بلوچستان ايالت له نور پاکستان سره اړيکې پرې شوي. د سرچينو له مخې په ايالت کې ۴۰۰۰۰ کورونو ته زيان رسېدلی چې پکې تر ۲۲۰۰۰ پورې کورونه په بشپړ توګه له منځه تللي. سالمين خپلواک - امريکا غږ
ارواپوهان وايي چې د ټولنیزو رسنیو زیاتې کارونې لوی شمېر ځوانان په ګورم (ژورخپګان)، نارسیزم (ځان خوښونې) او انزوا اخته کړي چې په ځینو مواردو کې ان د ځان وژنې په فکرونو هم بدلیدی شي. سالمین خپلواک له یو ارواپوه سره پرې غږیدلی.
د کوټې يو پیغله انځورګره د افغانستان استقلال ورځ د شاه امان الله اوملکه ثریا طرزي په انځور کولو نمانځي. آغلې د امريکا غږ خبريال سالمين خپلواک ته ويلي چې يو وخت افغانان سپوږمۍ ته ختل خو نن يو ماشوم څاه ته لوېدلی وي او د ژغورلو د پاره يې هيڅ ساينس نه کارول کېږي او حتی د ماشوم ژغورل ناشونی شي.
په افغانستان کې د جمهوري نظام نسکورېدو يو کال وشو. د طالبانو واک تر لاسه کولو په پاکستان کې پر میشتو افغان کډوالو څومره اغېز کړی؟ په کوټه کې میشت یو ځوان افغان کډوال صديق افغان د امريکا غږ خبریال سالمين خپلواک سره خبرې کړي.
د نړۍ د پرمختګ لپاره ځوانانو ته په سياست او د ژوند په نورو برخو کې د پوره برخه ورکولو په موخه هر کال د اګسټ په ۱۲ د "ځوانانو نړيواله ورځ" نمانځل کېږي. سالمین خپلواک په همدې اړه د پښتونخوا نوموتي سیاستوال، عثمان کاکړ زوی؛ خوشحال کاکړ د دې ورځې په مناسبت غږولی.
کوټه کې په ۲۰۱۶م کال کې د اګست پر ۸ مه پر یوه ډله مدافع وکیلانو ځانمرګی برید شوی وو چې پکې ۵۶ وکيلان ژوبل شول. په دې خونړۍ پېښه کې ولي ازاد زیات ژوبل شوی و چې د ټپونو له کبله د مړو په نوملړ کې شامل کړل شوی و. ولي آزاد امریکا غږ ته خپله کیسه کوي چې څه ډول یې مرګ ته ماتې ورکړه. سالمین خپلواک- امریکاغږ
واک ته د طالبانو تر رسیدو يو کال وروسته هم په پاکستان کې افغان محصلين د خپل راتلونکي په هکله ځکه اندېښمن دي چې وایي په افغانستان کې ټولې مسلکي څوکۍ طالبانو نیولې دي. دوي زیاتوي چې د نجونو پر تعليم د طالبانو بنديز او د افغانستان راتلونکي په اړه اندېښنو له ذهني فشار سره مخ کړي. سالمين خپلواک -امریکاغږ
په کوټه کې اته کلنه افغان کډواله آسیه ګل زده کړه هم کوي او ورسره په سبزي پلورلو کې د خپل پلار ګل محمد مرسته هم کوي. آسیې د تعليم پر ګټو او د بېسوادۍ پر تاوانونو یې خوږې خبرې کړې دي. سالمين خپلواک - امريکا غږ
ملګري ملتونه د اګست مياشتې اوله اوونۍ په ټوله نړۍ کې «ماشوم ته د مور شيدې ورکولو» په نامه نمانځي. د متخصصينو په وينا د مور شيدې د ماشوم لپاره د ټولو ناروغيو خلاف د واکسين رول تر سره کوي او میندې له ډېرو ناروغيو ژغوري. سالمين خپلواک - امريکا غږ
د پاکستان په دولتي ښوونځيو کې افغان کډوالو ته د داخلې اجازه نه شته او د ملګرو ملتونو کډوالو ادارې لخوا وړیا تعليمي ادارې يواځې په «مهاجر کمپونو» کې دي. دې سره په پاکستان کې ډیری افغان کډوال د بې وزلۍ له امله له تعليمه محروم پاتې دي. سالمین خپلواک یو له دغه کورنیو د کړاو ډک ژوند انځور کړی.
د بلوچستان ايالت په ژوب ښار کې د نشه يانو درملنې مرکز کې له درملنې وروسته یو انجینر او ښوونکي د نشه يي توکو پر ضد مبارزه پېل کړې. د مرکز مشر مولوي حميدالله وايي د نشه يانو درملنه يواځې په دوا نه بلکې په مينه او کلتوري رنګونو کېږي. سالمین خپلواک - امریکاغږ
کویټه کې د احمدشاه بابا د قوماندان، عبدالعلي خان بابي لمسي ملک سمیع خان بابي له ځان سره د خپل نیکه د هغه وخت ټوپکې، د کور سامانونه او همداشان د خوراکي توکو د پخلي سامانونه تر اوسه له ځان سره په دې فکر خوندي ساتلي چې، د نوموړي په وينا «دا د لر او بر د تاریخ یو برخه ده.» سالمین خپلواک - امریکاغږ
شوکت خان په غبرګو لاسونو معيوب دی خو دغه معیوبیت هیڅکله مايوسه کړی نه دی. له کرکټ، فوټبال ، کوترو ساتلو سربیره یې د کراټو په لوبو کې زرغون کمربند هم خپل کړی. غواړي د کراټو په نړيواله سيالي کې بری ترلاسه کړي او بيا «روبوټي» لاسونه ولګوي.
د ازاد تجارت یو ځوان متخصص “قسمت شېراني” وایي چې امازون د خپلو پلورونکو په لست کې افغانستان هم شامل کړی او اوس افغانان او په ځانګړې توګه په پاکستان کې مېشت افغان کډوال د ازاد تجارت له لارې په ډېره اسانۍ سره کار موندلی شي.
د بلوچستان په کوټه ښار کې د «پښتون ژغورنې غورځنګ جنوبي پښتونخوا څانګې» په کوربتوب کې «پښتون قومي جرګه» رابلل شوې وه. په دې جرګه کې له د بيلابېلو ګوندونو مشرانو، ځوانانو او ښځو ګډون درلود. سالمین خپلواک - امریکاغږ
د بلوچستان په ژوب سیمه کې د توپاني بارانونو له کبله د انګورو فصلونه تباه شوي دي. ځینو ميوه پلورونکو امريکا غږ ته وويل چې يواځې په سېليځي سیمه کې د ميوې ۴۰ پلورونکو ته د څه دپاسه ۱۱ ميليون پاکستاني روپیو زيان رسېدلی. سالمين خپلواک - امریکاغږ
نور پورته کول
