د سپینې ماڼۍ ویانده، کارولین لیویت، وایي چې د متحده ایالتونو، روسیې او د اوکراین د ولسمشرانو ترمنځ دری اړخیزه ناسته به د ضرورت په اساس جوړه شي. هغې اوکراین ته د امنیتي ضمانتونو په اړه ووېل چې امریکایي ځواکونه به په هېڅ وجه په هغه هېواد کې حضور ونلري.
په زړه پورې ویدیوګانې
د امریکا متحدو ایالتونو ولسمشر ډونالډ ټرمپ ددغه هېواد د مالیې وزارت ته لارښونه کړی، چې د یو سنټي سکې (پېني) تولید بند کړي، ځکه د دې سکې د جوړولو لګښت د هغې له اصلي ارزښت څخه ډېر دی. خو له ۹۰یمې لسیزې راهیسې د دې سکې د بندولو لپاره د پرله پسې هڅو سره سره،دا سکه لا هم د امریکا په مالي نظام کې پاتې ده.