سالمین خپلواک په کال ۲۰۱۴ کې د قاید اعظم پوهنتون اسلام آباد څخه په تاریخ کې ماستري کړې ده. په بلوچستان پوهنتون کې یې پښتو ژبه او ادبیات لوستي دي. د ۲۰۲۲ کال راهیسې له امریکا غږ ډیجیټل برخې سره همکاري کوي.
شل کلن ازل خان اڅکزی د کویټې اوسېدونکی دی. هغه په ژوندۍ بڼه انځورګري کوي. وایي دغه هنر په ابتدایي توګه پخپله او وروسته په مسلکي توګه هم زده کړی. سالمین خپلواک - امریکا غږ
۲۱ کلن رحمت الله رحيمي په کويټه کې ميشت افغان کډوال دی چې د سبزۍ پلورلو ترځنګ د کويټې په يوې شخصي اکاډمۍ کې د انګليسي ژبې زده کړې هم ورکوي. هغه ګيلمن دی چې شاوخوا ۱۰۰۰ ځايي اوسېدونکي يې د انګليسي ژبې له زده کړو فارغ کړي خو پخپله دغه هیواد کې له لوړو زده کړه بې برخې دی. .
کفیل قربان د «تکتو کتابکور» بنسټګر دی. د هغه په خبره، په کویټه کې د افغان لیکوالانو د کتابونو نشتوالي ته په کتو هغه د کویټې او شاوخوا سیمې د پښتنو لپاره د دغه کتابکور بنسټ ایښی چې د سیمې خلک په اسانه کولای شي ددغو لیکوالانو کتابونه پکې ترلاسه کړي. نور حال له کویټې څخه د سالمین خپلواک په راپور کې:
د کویټې په «سره غوړګۍ» سیمه کې ځایي اوسېدونکي وایي چې په سیمه کې یې غیرفعاله دولتي ادارې د مدني فعالیت له لارې بېرته فعاله کړې دي. دا چې د ټولنې په پرمختګ کې مدني فعالیت څومره ګټور وي، سالمین خپلواک پرې له کویټې څخه دا راپور رالېږلی.
د بلوچستان د سیف الله کلا په سیمه کې د اګست پر ۲۶مه، ځوانانو د جاپاني ډاکتر او خیریه کارکوونکي ټیټسو ناکامورا په یاد چې په افغانستان کې یې څو لسیزې خدمت کړې و، د نیالګو کېنولو اشر ترسره کړ. په دې اشر کې سیاستوالې وړانګې لوڼۍ هم ګډون درلود.
احمد بن سکینه د بلوچستان د آواران سیمې اوسېدونکی دی. هغه یو انځورګر دی او په مسلکي توګه یې د کتک نڅا زده کړې. هغه غواړي د هنر له لارې په ټولنه کې د ښځو د حقونو لپاره مبارزه وکړي. دا چې هغه ولې د مور نوم له خپل نامه سره لیکي او نور کوم هنري فعالیتونه لري، سالمین خپلواک پرې راپور جوړ کړی.
بلوچستان کې له افغانستان سره پولې ته څېرمه د قلعه عبدالله اوسېدونکی ۱۱ کلن عباده خان د کرکټ تمرین لپاره د میاشتې څلور ځله کویټې ته سفر کوي. د عباده خان په خبره، په قلعه عبدالله کې د لوبغالو د نشتوالي له کبله هغه د میاشتې تر شاوخوا۴۸۰ کیلو میټره سفر کولو ته اړ کیږي. سالمین خپلواک - امریکا غږ
د کویټې پر جناح سړک "نشاط راډیو مرکز" مالک امتیاز احمد وایي چې په ۱۹۲۸ کې یې په ړومبي ځل د بلوچستان وګړو ته رادیو وروپېژندله. امتیاز زیاتوي چې د پاکستان تر جوړېدو دمخه یاد مرکز د خان شهید په ګډون د پښتونخوا د مخورو سیاتوالو د ناستې ځای هم پاتې شوی. سالمین خپلواک - امریکا غږ
په کویټه کې د «Women Expo» تر نوم لاندې د ښځینه متشبثینو لخوا د لاسي صنایعو او توکیو نندارتون جوړ شوی و چې پکې ګډون کوونکو په افغانستان کې پر میرمنو لږیدلي بندیزونه وغندل او د هیواد په وضعیت یې خپګان څرګند کړ. سالمین خپلواک - امریکاغږ
حمید الله سیال په ۲۰۰۷ کې په یوه پېښه که د سترګو دید وبایله خو وایي همت یې ندی بایللی. د نابیناوو لپاره د حقونو فعالیت ترڅنګ هغه موسیقي غږوي او په پښتو ژبه او ادبیاتو کې لوړې زده کړې هم کوي. د امریکا غږ خبریال سالمین خپلواک پرې راپور رالېږلی.
د کویټې اوسیدونکې زهرا افضل د نجونو د لا پياړوتيا په موخه په خپل زیار سره نجونو لپاره د فوټبال اکاډمي پرانستې چې پکې د ځایي اوسیدونکو سربیره افغان کډوالې هم روزنه تر لاسه کوي. سالمين خپلواک پرې راپور لري.
د کویټې ۲۸ کلن سید عبدالوحید څو کاله وړاندې د متحده عربی اماراتو په دوبۍ کې مزدوري کوله چې هلته یې د 'ايټالین' پیزا کار خوند ورکړ او کله چې هغه کويټې ته راغی د پیزا کاروبار یې پېل کړ. هغه خوشاله دی چې نه یوازې د آزاد کاروبار څښتن دی، بلکې د کویټې خلک یې د رستورانټ پیزا ډېره خوښوي. سالمین خپلواک
د کويټې په "جناح ټاون" کې يو ځوان د بهرني خوراک "وافلز" پلورل پېل کړي. هغه خوشاله دی چې پدغه پښتون میشته سیمه کې هم د وافلز په شان بهرني خوراک سره د خلکو مینه شته او ځینې دایمي مشتریان یې هم موندلي. سالمین خپلواک پرې ویډیو جوړه کړې.
د بلوچستان پښتون میشته سیمه زیارت د سیلانیانو لپاره له عصري سهولتونو سره سمه جوړېږي. د «زیارت ماسټر پلان» پروژې مرستیال رئیس هیله من دی چې له دې پروژې سره به د ځایي خلکو اقتصاد پیاوړیاو د عصري ژوند ګڼ شمېر سهولتونه به رامنځته شي. سالمین خپلواک - امریکا غږ
په پېښور کې مېشت افغان کډوال ناصر وایي اروپا ته د تللو پر لار په ترکیې کې نیول شوی او ادعا کوي چې ورسره ناسم چلند شوی دی. ناصر وایي د انساني قاچاقبرانو د چل او فریب له امله د ترکیې پر پوله د کډوالو په یو کمپ کې د دوو میاشتو بند په موده کې له فزیکي تاوتریخوالي سره هم مخامخ شوی دی.
په کویټې کې یو ځوان د خپلې ورزشي اکاډمۍ له لارې د سیمې ځوانانو ته د "پارکور سپورټ" روزنه ورکوي. نوموړی وایي چې ډېر افغان کډوال د رواني او بدني روغتیا په موخه له هغه څخه د پارکور ورزش زده کړه کوي. پارکور د فزیکي روزنې یوه طریقه ده چې د بدني او رواني ستونزو پر وړاندې د یو شخص وړتیا ته وده ورکوي.
د پښین په «سرانان زاړه کمپ» کې د اوسیدونکو د شمیر په پرتله د ښوونځیو کمښت ته په کتو سره ددې کمپ یو ځوان اوسیدونکی اسدالله د افغاني ټولنې د پرمختګ په هیله کډوالو ماشومانو ته وړیا زده کړې ورکوي. د امریکا غږ خبریال سالمین خپلواک ورسره په شته امکاناتو او ستونزو راپور چمتو کړی.
د بلوچستان پوهنتون د محصليونو دغه ډله بې وزله خلکو ته په وړيا توګه کتابونه د هغوی تر کوره رسوي. دغه ځوانان په کويټه کې په خپل جېب خرڅ د "ريډرز کلب" په نامه کتابتون څخه دغه خدمت ترسره کوي. د امريکا غږ خبريال سالمين خپلواک پرې راپور رالېږلی.
د بلوڅانو دودیزې څپلۍ په سیمه کې خورا مینوال لري. ددغه څپلیو یو پلورنکی وایي چې دغه دودیزې څپلۍ کویټه ته راغلي سیلانیان یې ډېرې خوښوي او ډېرو خلکو لپاره د کاروبار ښه وسیله ده. سالمین خپلواک- د امریکاغږ
په کویټې کې د ۱۹ کلن علي ګوهر داستان، چې په ماشومتوب کې برق نیولی و او بیا یې لاسونه پرې شول. ده حوصله ونه بایلله او اوس نقاش دی.د امریکا غږ خبریال سالمین خپلواک ورسره خبرې کړي
نور پورته کول
