ولسمشر ډونالډ ټرمپ ژمنه کړې چې د امریکا پوځ به په نړۍ کې تر ټولو پیاوړی وساتي، د سیاست پر ځای به وړتیا ته لومړیتوب ورکړي، په فزیکي جوړښت تمرکز بیرته په ځای کړي، او د پوځ په مختلفو څانګو به له یو ټریلیون ډالرو څخه زیاتې پیسې ولګوي.
د امریکا ولسمشر ډونالډ ټرمپ د غزې لپاره د شلو مهمو ټکیو طرحه وړاندې کړې ده چې په کې د غزې اقتصادي بیا رغونه، د حماس او نورو وسلهوالو ډلو بېوسلې کول، د بیا رغونې دپاره د نړیوالو مرستو پیل، د وسلو د داخلېدو مخنیوی، او نورې مادې شاملې دي.
ولسمشر ټرمپ وایي د غزې د جګړې د پایته رسولو دپاره حماس باید د امریکا له خوا وړاندې شوی پلان ومني یا د اسراییلو له خوا له تباهۍ سره مخ شي.
ملګرو ملتونو د یکشنبې په ورځ د ایران د اتومي پروګرام له کبله په هغه هېواد باندې بندیزونه بیا وضع کړل چې امریکا یې تود هرکلی وکړ.
د متحدو ایالتونو ولسمشر ډونالډ ټرمپ په پراخه کچه وارداتي توکو باندې د سختو تعرفو نوې لړۍ پیل کړې ده، چې په کې په درملو باندې ۱۰۰٪ تعرفه او په درنو لاریو باندې ۲۵٪ تعرفه شامله ده چې ټاکل شوې راتلونکې اونۍ به نافذ شي.
د امریکا ولسمشر ډونالډ ټرمپ د پنجشنبې په ورځ یو اجرایوي فرمان لاسلیک کړ چې فدرالي څارنوالانو ته اجازه ورکوي چې د امریکا په پلازمینه واشنګټن ډي سي کې د "ډیرو بدو جرمونو" لپاره د مرګ سزا وغواړي.
ولسمشر ډونالډ ټرمپ وايي چې اسراییلو ته به اجازه ورنه کړي چې لویدیځه غاړه ضمیمه کړي. هغه وویل نوموړي د دې موضوع په اړه له لومړي وزیر بنیامین نتنیاهو سره خبرې کړې دي.
د امریکا د بهرنیو چارو وزیر مارکو روبيو وايي، دا یو تاریخي فرصت دی چې سوریه او لبنان د ایران او د حزبالله د ترهګرې ډلې له نفوذ څخه پرته ثبات ومومي، هغه وايي دا داسې یو فرصت چې دوه کاله مخکې یې تصویر هم نه کېده.
د ملګرو ملتونو په سازمان کې د متحدو ایالتونو نوي استازي مایک والتز د ولسمشر ټرمپ د نړیوالو لومړیتوبونو، د روسیې او اوکراین د جګړې، د روسیې له لوري د ناټو غړو هېوادونو د هوايي حریم د نقض، په اساساساتو باندې د ملګرو ملتونو د تمرکز په ضرورت او ځینو نورو مسائیلو څرګندونې کړي.
د امریکا د متحدو ایالتونو د بهرنیو چارو وزیر، مارکو روبیو، خپل روسي سیال، سرګي لاوروف، ته ویلي دي چې روسیه باید په اوکراین کې د روانو وژنو د پای ته رسېدو لپاره "معنا لرونکي" ګامونه پورته کړي.
د فلوریډا په یوې محکمې کې د سې شنبې په ورځ یوه منصفه پلاوي ۵۹ کلن رایان روت، د ډونالډ ټرمپ د وژنې د هڅې په تور مجرم وپېژندو.
ولسمشر ډونالډ ټرمپ د انتيفا په نوم ډله چې د کیڼ اړخو کلکه جنګي ډله بلل کیږي، د سیاسي تاوتریخوالي د دوامداره لړۍ له امله د «کورني ترهګر سازمان» په توګه ونوماوه چې په وینا یې د قانوني سیاسي فعالیتونو د مخنیوي او د قانون د واک د خنډ سبب ګرځي.
نور پورته کول
